CEBU, Philippines - Gipatangtang na ni Mayor Michael Rama ang mga poste sa mga telecommunication companies nga nagkagumukay ang kable sa Dakbayan sa Sugbo.
Ang Protek Telecoms Support, Inc. ang gitahasan sa kagamhanan sa dakbayan sa pagpanangtang sa mga poste subay sa resulta sa assessment nga gihimo ni Rama ug ni City Engineer, Atty. Jose Marie Poblete.
Nitambong ang mga representante sa Visayan Electric Company, CCTN, Globe Telecom, TelicPhils, ug Philippine Long Distance Telephone Company.
Si Cayetano Cruz, staff engineer sa PLDT, nipadayag nga gawas sa 300 kapin ka poste, 91 porsiyento na niini ang ilang natangtang nga gisugdan niadtong Oktubre 2015 hangtud Mayo 1 karong tuiga.
Matud niya nga ilang humanon ang pagtangtang sa mga poste isip suporta sa programa ni Rama.
Si Poblete miingon nga gipakita gyud ni Rama nga seryoso siya sa programa bisan sa ka busy sa iyang oras.
“If they are truly Cebuano they should love beauty enhancement,” matud ni Rama. (BANAT NEWS)