CEBU, Philippines - Ang mga kandidato ug dumadapig sa Team Rama magpahigayon og motorkada sa north district ugmang adlawa ug miting de avance sa south district.
Ang motorkada alang sa mga kandidato sa south district himoon karong adlawa, ug pagkaugma Biyernes, magpahigayon na sila sa ilang miting de avance sa upat ka dapit.
Ang mga kandidato magbanus-banos gihapon sa pagdiskurso sa dungan nga mini-rally nga gitakdang ipahigayon sa Barangay Guadalupe, sa ilawom sa Mambaling flyover, sa tennis court sa Poblacion-Pardo ug sa kilid sa simbahan sa Barangay San Nicolas.
Mga traffic enforcers gihatagan na og kamandoan kun unsay buhaton nila kun ang trapiko apektado na sa higayon nga modagsa ang mga dumadapig sa Team Rama nga motambong sa miting de avance.
Ang mga kandidato sa Team Rama sa north district karong adlawa sila magpahigayon og miting de avance sa Barangay Talamban; sa Sitio Avocado sa Barangay Lahug; sa Doña Pepang sa Barangay Carreta ug duol sa Waterfront Hotel sa Salinas Drive.
Pagkaugma, ang sama nga kandidato magpahigayon na usab og motorkada subay sa mga karsada sa north district. (BANAT NEWS)