^

Banat Balita

OCD-7: El Niño andaman

Decemay P. Padilla/GMR - Banat

CEBU, Philippines - Hugot nga gipahinumduman sa Office of the Civil Defense ang publiko nga mangandam sa epekto sa El Niño ilabi na nga gibana-bana nga masinati sugod karong buwana hangtud sa Mayo. Sigun ni Joy Hernandez, training officer sa OCD-7, nga coordinating body sila sa mga local government units.

Gihulagway sa ahensiya nga ang pagdaginot og tubig daku og tabang aron pagminus sa epekto sa El Niño.

Base sa impormasyon sa OCD-7, ang Lalawigan sa Bohol nakasinati na sa epekto sa El Niño ug gi-monitor usab nila ang ubang probinsiya sama sa Siquijor, Negros Oriental ug ang Probinsiya sa Sugbo.

Matud usab ni Hernandez nga usa sa mahimo’ng epekto sa El Niño ang pagminus sa supply sa pagkaon.

Gitataw niini nga importante gyud nga mangandam ilabi na nga wala pa hibaw-i unsa kalapad ang epekto unya sa mao’ng katalagman.

Ang OCD-7 mohimo og mga trainings alang sa mga mananagat ug mag-uuma aron mahibawo sila kun unsa nga mga lagutmon ang angay itanum nga dili maapektuhan sa huwaw.

Samtang pahimangno sa Regional Epidemiology and Surveillance Unit sa Department of Health-7 nga importante ang tubig nga imnon nga limpyo ug kun mahimo pabukalan.

Nagkanayon si Rennan Cimafranca, hepe sa RESU-7, nga karong nagkaduol na ang summer ug anaa pa ang El Niño, posible nga ang tinubdan sa tubig mohinay ug makontaminado mao’ng dili angay mokompiyansa ang katawhan aron malikay sa mga sakit gumikan sa pag-inom og tubig nga kontaminado. (BANAT NEWS)

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with