CEBU, Philippines – Gimanduan na sa bag-ong director sa Mandaue City Police Office ang mga hepe sa unom ka presinto nga hingusgan ang kampanya batok sa ilegal nga drugas sa dakbayan.
Si Senior Supt. Jonathan Cabal nimando sa paghimo gyud og subsob nga operasyon batok sa ilegal nga drugas.
Ang kapolisan sa matag presinto nagsugod na sa ila’ng operasyon pinaagi sa pagpaniid sa kabarangayan diin adunay gidudahang mga tawo.
Una’ng nakadakop ang Presinto 2 sa gikatahapang pusher sa Barangay Paknaan.
Ang ubang kapolisan nagsugod na unta sa ila’ng operasyon apan nalinga pa sila sa paghatag og seguridad sa mga kalihukan sa 51st International Eucharistic Congress (IEC) nga nagpadayon na karon sa Sugbo. – /GMR) (BANAT NEWS)