CEBU, Philippines – Gibutyag ni Fr. Charles Jayme, coordinator sa Piso Para sa Misa ng Mundo alang sa 51st International Eucharistic Congress, miabot na og P30 milyones ang ilang natigom gikan sa maong fund raising project.
Kini gisugdan niadtong Hulyo tuig 2014 ug base sa uwahing pag-ihap niadtong Enero 20, ning tuiga, niabot na kini og P30 milyones.
Sumala pa ni Jayme, P20 milyones ra ang ilang gitinguhang matigom gikan niini apan sobra ang ilang nadawat. Nasayran usab nga 60 porsiyento niini gikan sa mga donasyon gikan sa Sugbo. Gibutyag ni Jayme, bisan og nisobra ang ilang donasyon nga nadawat aduna pa gihapon kini kakulangan para sa gastuhon sa kalihukan sa IEC 2016 mao nga padayon gihapon sila pagdawat sa donasyon. – /EIM) (BANAT NEWS)