Media nangita na sa bag-ong CCPO chief
Jojo C. Ugdol/GMR (Banat) - January 13, 2016 - 9:00am

CEBU, Philippines - Wala gihapon nagpakita sa mga sakop sa media ang bag-ong pangulo sa Cebu City Police Office tulo na ka adlaw human sa iya’ng pagtudlo.

Si Senior Supt. Benjamin Santos ang gitudlo sa Camp Crame nga mohulip kang Senior Supt. Marciano Batiancela isip officer in-charge sa CCPO.

Ang kanhi presidente sa Defense Press Corps nga si Chito Aragon nibutyag sa Banat News nga nalipay unta sila nga naabot na ang bag-ong hepe sa CCPO apan daku ang iya’ng katingala nga hangtud karon wala pa gihapon nagpakita sa media ug nagpa-interview.

Kini sukwahi sa mga nanglabay nga mga hepe sa kapolisan sa siyudad, probinsya ug sa rehiyon nga una’ng mopahibawo sa media sa ila’ng mga programa.

“Wa ta kahibalo unsa iya’ng tumong, daghan kaayo og pangutana,” matud ni Aragon.

Si Aragon nipasabot nga gusto lang mahibaw-an sa mga tawo kung kinsa gyud ang bag-ong hepe ug gusto’ng masayud ang publiko sa pagpangandam sa mga dagku’ng kalihukan nga umaabot.

Nasayran nga si Batiancela pa gihapon ang mangulo sa seguridad sa kalihukan sa Sinulog.

Gawas sa CCPO, kagahapon pormal usab nga nilingkod sa pwesto ang mga bag-ong hepe sa kapolisan sa Dakbayan sa Mandaue ug Cebu Provincial Police Office.

Ang bag-ong hepe sa CPPO nga si Senior Supt. Clifford Gairanod nimando dayon sa mga dagku og tiyan nga sakop sa pagpagamay.

Gipasabot ni Gairanod nga wala nagpasabot nga aduna’y sukod ang abton apan kinahanglan nga mas daku ang dughan kay sa tiyan. Plano sa opisyal nga makig-alayon sa PNP medical staff aron maghimo og physical fitness program sa mga polis.

Gawas niini, gipasalig ni Gairanod nga iya’ng ipadayon ang pagpatuman sa anti-criminality program nga gisugdan ni Senior Supt. Noel Gillamac pinaagi sa “Limpyo Probinsya Program” aron pagpabalik sa pagsalig sa katawhan sa publiko.

Gipaabot ang mas hugot nga kampanya batok sa drugas sa umaabot nga mga adlaw ug ang paghimo og random drug test sa kapolisan ang apil sa mga plano ni Gairanod.

Karong panahon sa eleksyon gimanduan na usab niya ang mga opisyal sa kapolisan sa probinsya nga neutral sila sa dagan sa politika sa ila’ng dapit ilabina nga aduna’y paglahugay nga gihimo.

Ang lahugay kabahin sa pagpangandam sa umaabot nga eleksyon sa Mayo 9, 2016. (BANAT NEWS)

ACIRC ANG BANAT NEWS BENJAMIN SANTOS CAMP CRAME CEBU CITY POLICE OFFICE CEBU PROVINCIAL POLICE OFFICE GAIRANOD MGA NGA SENIOR SUPT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with