CEBU, Philippines – Ang Catholic Bishops Conference of the Philippines (CBCP) mopahigayon og tigom dinhi sa dakbayan sa Sugbo tulo ka adlaw sa dili pa ang pagbukas sa 51st International Eucharistic Congress (IEC) karong Enero 24 hangtod Enero 31. Gatusan ka obispo gikan sa nagkadaiyang lugar ang gipaabot nga motambong sa ipahigayon nga CBCP annual meeting.
Matud ni Auxiliary Bishop Oscar Florencio, ang team moderator sa Sto. Rosario Parish ug tsirman sa CBCP Congress in Cebu, nga motambong usa sila og theological symposium sugod Enero 20 sa dili pa ang CBCP annual meeting.
Ang theological symposium tambongan sa mga obispo, kaparian, “religious brothers and sisters” ug mga seminarians.
Si Bishop Florencio miingon nga ang tanang aktibo ug retirado na nga bishop madasig gyud sa pag-apil sa maong kalihukan nga ipahigayon dinhi sa Sugbo kay kadaghanan kanila molahos na man pagtambong sa International Eucharistic Congress. (/RUB) (BANAT NEWS)