Biktima sa Yolanda patindahon sa IEC
(Banat) - January 7, 2016 - 9:00am

CEBU, Philippines - Hatagan og kahigayonan ang mga residente sa Caritas Villages sa Hagnaya ug Tacup sa Lungsod sa San Remigio kinsa mga biktima sa bagyo’ng Yolanda nga mokita atol sa 51st International Eucharistic Congress.

Matud ni Fr. Charles Jayme, ang rehab czar sa Archdiocese of Cebu, nga gihatagan og booth sa IEC Pavilion ang mga residente aron ma-display ang produkto sa ilang livelihood project sama sa rosary beads, bangles, ariyos ug bags nga ginama sa recycled materials.

Mapasalamaton ang mga residente nga mapakita ang ilang kapanginabuhian sa mga delegado. Samtang gipangandaman sa kagamhanan sa Dakbayan sa Lapu-Lapu ang ila dakong papel sa IEC ilabi na sa Youth Day karong Enero 27 ug 28. Matud ni Mayor Paz Radaza nga gawas sa pagbutang og dekorasyon sa ilang lugar, mag-display usab sila sa lain-laing produkto.

Ipakita usab nila ang “touch of tourism” tungod kay ang dakbayan naila isip “Historic Resort City”.

Karong Lunes gikatakda ang meeting ni Radaza sa mga organizers sa dakbayan alang sa final preparations.

Wala pa matino kung suspensuhon ba o dili ang klase sa public schools sa dakbayan atol sa IEC apan si Jovita Augusto, sakop sa Catholic Educational Association of the Philippines, nagkanayon nga tulo ka Catholic schools sa dakbayan ang dili magklase sa Enero 24 hangtud 30.

Posible nga 80 ka pribadong tunghaan (non-sectarian schools) sa dakbayan ang dili usab magklase. Samtang nangandam usab ang kagamhanan sa Dakbayan sa Mandaue labot gihapon sa kalihukan sa Youth Day sa Mandani Bay.

Matud ni Mayor Jonas Cortes nga dakong garbo sa siyudad nga malakip sa kalihukan dungan sa pag-ingon nga gikinahanglan ang pagtinabangay sa lokal nga kagamhanan, simbahan, kapolisan ug kabarangayan.

Usa sa gituki sa tigum kagahapon ang seguridad ug trapiko nga gihulagway sa mayor nga major issues nga angay tutukan.

Makigtagbo usab ang kagamhanan ngadto sa Department of Education aron hisgutan kun angay ba suspensuhon ang klase subay sa kalihukan sa IEC.

Si Msgr. Marnell Mejia, chairman sa IEC committee on procession, niingon nga ang kalihukan sa IEC naglangkub sa Theological Symposium, CBCP 112th Plenary Assembly, Parish Encounter ug Youth Day.

Samtang si Fr. Kit Sestoso, in-charge sa IEC Youth Day, niingon nga sa 5,000 nga target, 2,600 pa lang ka mga batan-on ang nagparehistro. (Rowena D. Capistrano, Christell Fatima M. Tudtud ug Decemay P. Padilla/GMR)

 

ANG ARCHDIOCESE OF CEBU CARITAS VILLAGES CATHOLIC EDUCATIONAL ASSOCIATION OF THE PHILIPPINES CHARLES JAYME CHRISTELL FATIMA M DAKBAYAN MATUD NGA SAMTANG YOUTH DAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with