Kalihukan sa LP, One Cebu sa Pinamungajan nagkadungan
Brenda Batuto (Banat) - December 28, 2015 - 9:00am

CEBU, Philippines – Nagkadungan ang kalihukan sa Liberal Party ug One Cebu sa Lungsod sa Pinamungajan kagahapon.

Kini ang hinungdan nga imbes sa auditorium sa lungsod diha na lang nagpahigayon sa ila’ng kalihukan kilid sa merkado ang LP.

Apan si Mayor Glenn Baricuatro sa One Cebu Party niklaro nga wala’y kalambigitan o kolor sa politika ang panagtapok sa duha ka grupo.

Matud niya nga ang Municipal Anti-Drug Abuse Council sa lungsod nagpahigayon og caravan sa “Barkadahan Kontra Druga” diin ang Cebu Provincial Anti-Drug Abuse Commission (CPADAC) ang nagpasiugda sa kampaniya batok sa ginadili’ng drugas.

Ang MADAC niadto’ng buwan pa sa Oktubre nagpa-reserve sa auditorium diin gipahigayon ang kalihukan.

Sa laing bahin, gibutyag ni Baricuatro nga niana’ng pagkabuntag kagahapon, si Kongresista Gwendolyn Garcia sa ikatulo’ng distrito nibisita sa lungsod ug igo lang kini’ng nitunol og mga certificate sa scholarship sa Commission on Higher Education (CHED) ngadto sa mga scholars.

Si Baricuatro nagkanayon nga sa iya’ng nasayran ang grupo nila ni Bise Mayor Maria Honeylette Yapha-Lingad nagpahigayon og awarding sa Vice Mayor’s Cup sa kilid sa merkado.

Matud ni Baricuatro nga okupado kaayo ang auditorium diin adunay mga nakauna og pa-booking hinungdan nga diha na sa kilid sa merkado nagpahigayon sa ila’ng kalihukan ang grupo ni Yapha kinsa kaalyado sa LP.

Subay niini, si Bise Gobernador Agnes Magpale sa Bakud ug kaalyado sa LP nibutyag nga ang ila’ng grupo adunay gipahigayon nga re-affirmation sa 1,000 ka lider sa LP sa lungsod.

Matud usab sa bise gobernador nga nakadawat siya og imbitasyon gikan kang mayoralty candidate sa LP, Dr. Geraldine Yapha.

Giklaro usab ni Magpale nga wala dayon kakuha og permit sa paggamit sa auditorium ang ila’ng grupo unya ang plaza usab sa lugar adunay disko nga gipahigayon niana’ng pagka-gabii hinungdan nga diha na lang sila sa kilid sa merkado duol usab sa auditorium nagpahigayon sa ila’ng kalihukan. – /GMR) (BANAT NEWS)

ACIRC ANG BARICUATRO BISE GOBERNADOR AGNES MAGPALE BISE MAYOR MARIA HONEYLETTE YAPHA-LINGAD DR. GERALDINE YAPHA DRUG ABUSE COMMISSION DRUG ABUSE COUNCIL HIGHER EDUCATION MATUD NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with