CEBU, Philippines – Dul-an sa 200 ka katekista sa Archdiocese of Cebu ang gipaubos sa liturgical briefing kagahapon sa buntag isip pagpangandam sa umaabot nga International Eucharistic Congress 2016.
Matud ni Rev. Fr. Antonio Zamora Jr., vice chairman sa Committee on Cathechism ug chairman sa First Communion Event sa IEC2016, nga ang mga katekista gitahasan sa paggiya ug pagpahiluna sa mokabat 5,000 ka first communicants sulod sa Cebu City Sports Center nga dumalahon ni Archbishop Emeritus Ricardo Cardinal Vidal kinsa usa usab sa mga first communicants sa IEC nga gipahigayon sa Manila niadtong 1937.
Sumala pa ni Zamora nga sa pagkakaron aduna pa’y 3,000 ka bata ang naa sa ila’ng listahan ug padayon pa sila’ng manawat og mga bata nga mahimo’ng first communicants.
Ang mga bata nga first communicants adto sila una’ng mokalawat atol sa Santos nga Misa nga ipahigayon ni Cardinal Vidal. – /GMR) (BANAT NEWS)