_banat
^

Lima ka adlaw nagpatong sa lubi

Jojo C. Ugdol (Banat) - November 3, 2015 - 9:00am

CEBU, Philippines – Gituohang sabog sa ilegal nga drugas ang usa ka lalaki nga nikatkat ug nagpatong sa lubi nga nagdala og pinote sulod na sa lima ka adlaw sa barangay Kambantog, bukirang bahin sa lungsod sa Argao.

Ang lalaki giila nga si Nicanor Alviola Jr., 35, minyo ug nagpuyo sa mao’ng dapit.

Tulo pa ka suba ang gitabok sa kapolisan una sila naabot sa dapit nga gipangulohan sa hepe nga si Senior Insp. Alejandro Batobalonos.

Matud ni Batobalonos nga sugod pa niadto’ng Biyernes gituohang nikatkat sa lubi si Alviola.

Ang lubi gibana-bana nga may gitas-on nga 40 ka hakhak ug duna’y daghang bunga.

Sumala pa ni Batobalonos nga niadto’ng nakalabay nga Martes gidala sa higala si Alviola sa lungsod ug gipugos sa paggamit og shabu. Pagbalik niini nahibulong na lang ang iya’ng inahan nga magsige na og ingon si Alviola nga duna’y tawo nga nangita kaniya apan wala lang kini gipanumbaling sa iya’ng ginikanan.

Adlaw’ng Biyernes nawala sa ila’ng balay si Alviola hangtud buntag sa Sabado nabantayan na lang sa iya’ng amahan nga nagpatong na sa taas sa lubi.

Kagahapon sa hapon ang kapolisan ug mga sakop sa Municipal Disaster Risk Reduction and Management Council ang suway unta nga nikombinsir ni Alviola apan wala gyud nadala.

Usa ka sakop sa MDRRMC ang suway pa unta nga nikatkat sa lubi apan nilangkat kini og daku’ng bunga sa lubi aron ilabay sa rescuer.

Labaw nga wala na lang gipugos sa mga polis ang pagsaka human ila’ng nakita nga nagdala kini og pinote.

Bugtong gihimo sa kapolisan ug sa disaster team ang pagbutang og pukot sa palibot ingon man foam sa yuta aron makaluwas kung kini mahulog.

Niadto’ng nakalabaw nga adlaw nga kusog ang uwan, wala gihapon nanaug si Alviola hinuon nagbutang kini og atop-atop nga lukay sa palwa nga iyang gitungtungan ug bunga sa lubi ra sab ang gikaon.

Diha’ng gipangutana sa mga polis kung unsa ang iya’ng gusto, nitubag niini nga gusto’ng mag-inusara.

Duha ka tuig na ang nakalabay gibiyaan sa iya’ng asawa si Alviola kay manapat.

Nagtuo si Batobalonos nga ang hinungdan sa tanan niini mao ang paggamit og drugas ug nakahimo sa pagdapat sa iya’ng asawa hangtud karon nga nikatkat na hinuon sa taas sa lubi. – /GMR) (BANAT NEWS)

ACIRC ALEJANDRO BATOBALONOS ALVIOLA ANG BATOBALONOS BIYERNES LUBI MUNICIPAL DISASTER RISK REDUCTION AND MANAGEMENT COUNCIL NGA NICANOR ALVIOLA JR. SENIOR INSP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with