Team Derecho miwadwad na sa ilang lineup
CEBU, Philippines - Gipaila kagahapon sa hapon ni Mayor Paz Radaza ang kumpletong line-up sa Derecho Team ug gitakda ugmang adlawa ang pag-file sa ilang certificate of candidacies.
Modagan pagbalik si Vice Mayor Marcial Ycong ingon man sila si konsehal Harry Radaza, Melissa Vidal, Elias Berdin, Eduardo Patalinghug, Roque Wagwag ug si Leo Mercado.
Samtang madugang sila si Dr. Cipriano "Boy" Flores, Damian Gomez, ug ang upat ka mga abogado nga sila si Gregorio "Epoy" Paquibot, Jr., Flaviano Eyas, Jr., Nelson Yap ug Ricardo Amores. Si Gomez kanhi konsehal sa dakbayan sa miaging 2010 samtang si Yap sab kanhi konsehal sa siyudad sa miaging 2007. Si Gomez kanhi konsehal sa siyudad kaniadto samtang si Eyas kanhi SK Chairman ug kanhi konsehal sa Barangay Mactan samtang si Amores, mao ang anak sa kanhi mayor sa siyudad nga si Rufo Jun Amores.
Si Amores, igsuon ni Rufo Amores III, kinsa modagan isip vice mayor ubos sa Movement for Better Lapu-Lapu.
Apan giklaro niya nga sa Derecho Team gyud siya , ug bisan og igsuon sila dili sila mag-away tungod kay lumalabay lang ang politika.
Si Radaza miingon nga si city councilor Francisco Senerpida mao ang miback-out tungod sa health reasons niini.
Nakadawat sab og certification of nomination and acceptance si Mayor Paz gikan ni Liberal Party President Joseph Emilio Aguinaldo Abaya sa miaging September 22. (BANAT NEWS)
- Latest
