CEBU, Philippines – Mahibaw-an karong Domingo, Oktubre 11, kung kinsa ang ikapares ni kanhi bokal Winston Garcia kinsa mopapili sa pagka-gobernador ubos sa One Cebu Party.
Gawas sa runningmate ni Garcia, ipahibawo usab sa partido ang uban nilang kandidato sa umaabot eleksiyon sa 2016 atol sa ilang general assembly.
Una na nga gipahibawo sa partido ang pagpasubli sa igsuon ni Garcia nga si Kongresista Winston sa pagka-kongresista sa ikatulong distrito samtang ang manghod nga si kanhi kongresista Pablo John Garcia ang mopapili sa bag-ong nahimo nga ikapitong distrito.
Gipaabot nga atol sa kalihukan makita ang pwersa sa patido batok sa Liberal Party nga gipangulohan ni Gob. Hilario Davide III kinsa magpasubli alang sa ikaduhang termino.
Ang pagpaila sa mga kandidato sa One Cebu sa kalungsuran ug mga siyudad sa probinsiya ipahigayon sa White Gold House, dakbayan sa Sugbo. – EIM) (BANAT NEWS)