CEBU, Philippines – Nabalaka ang Department of Public Services tungod wala na sila ikabayad sa tipping fee sa basura ngadto sa Consolacion Private Landfill.
Nunot niini si Atty. Genesis Ponce, pangulo sa Land Management Council nagplano nga utangon lang usa ang bayad sa paglabay sa basura samtang wala pa naaprobahan ang P15 milyones nga pundo para sa DPS.
Matud pa ni Ponce niadto pang buwan sa Agosto nahurot ang pundo para sa tipping fee sa DPS.
Buot ni Ponce tan-awon ang Cebu City Ordinance 1361 nga naaprubahan niadto pang Pebrero 22, 1992 kabahin sa paggahin og pundo paghipos sa basura.
Tungod kay dili na paigo karong panahona. – /EIM) (BANAT NEWS)