Traysikol misutoy, nangaangol sila si lolo ug lola

CEBU, Philippines - Lolo ug lola nalandig sa ospital kay ang gisakyan nila nga traysikol misirit ug napasok sa usa ka tindahan didto sa dulhogon nga bahin sa Barangay Tangbo, Samboan sa miagi’ng Martes.

Ang nangaangol mao sila si Lorenzo Teves, 64, ug Zenaida Teves, 66, pareho nga nagpuyo sa Barangay Tangbo.

Matud pa ni PO2 Joseph Belangoy sa Samboan Police Station nga gikan sa ilang balay ang magtiayon ug paingon unta sa Poblacion diha nga misutoy ang traysikol nga wala na kapugngi ni Lorenzo nga maoy nag-drive.

Bali sa bukton ang nasinati ni Lorenzo samtang bun-og sa lawas ang naangkon ni Lola Zenaida. Pareho sila nga gidala sa Vicente Sotto Memorial Medical Center (VSMMC). (BANAT NEWS)