CEBU, Philippines - Gibasura sa Ombudsman ang kaso’ng administratiba ug kriminal nga gipasaka sa kanhi pangulo sa Association of Barangay Council (ABC), Michael Ralota, batok ni Mayor Michael Rama ug kanhi City Budget Officer Nelfa Briones.
Si Graft and Prosecution Officer I Irish Amores niingon nga wala’y igo’ng ebidensiya ang kaso’ng illegal use of public funds batok ni Rama ug dishonesty batok ni Briones. Si City Attorney Jerone Castillo mapasalamaton sa Ombudsman tungod sa klaro ug tinuod nga imbestigasyon sa kaso.
“Ombudsman is very objective in their investigation,” matud ni Castillo. Si Ralota nipasangil nga ang P5 milyones nga pundo alang sa barangay financial assistance gigamit sa mayor nga wala’y pagtugot sa ABC. (Sheriza Mae R. Uy/GMR)(BANAT NEWS)