CEBU, Philippines – Ang Cebu City Anti-Mendicancy Board nipasalig nga hutdon nila paghipos ang mga libudsuroy sa dakbayan sa dili pa magsugod ang Asia Pacific Economic Cooperation (APEC) Summit karong Agosto 24.
Matud ni Executive Director sa Anti Medicancy Atty. Joy Pesquera nga ilang hipuson ang mga libudsuroy ilabi na sa mga parke ug plaza sa dakbayan inabagan sa Department of Social Welfare and Services (DSWS).
Ang DSWS adunay programa pagtabang sa mga libudsuroy sa kadalanan aron sila makaangkon og kapuy-an.
Sa himuon nga operasyon paghipos kanila, ang mga libudsuroy ipahiluna sa Barangay San Roque Sports Complex sulod sa tulo ka adlaw.
Tan-awon kinsa kanila ang mga taga probinsya aron ipaubos sa Balik Probinsya Program sa DSWS ug kadtong uban nga adunay mga panimalay apan gipili nga anha magpundo sa dalan.
Si Pesquera miingon nga dako og matabang ang Pantawid Pamilyang Pilipino Program (4ps) sa gobiyerno alang sa mga kabus.
Samtang ang batang walay ginikanan ibutang sa Cebu City Drop In Center sa Barangay Parian ug sa Community Scout.
Ang dakbayan nagsaulog karong bulana sa Anti-Mendicancy Month sa Kagamhanan sa Sugbo. – /EIM) (BANAT NEWS)