CEBU, Philippines - Nadakpan sa kapolisan ang usa ka tawo nga nag-atubang og duha ka kaso’ng pagpanglugos sa Mango Avenue, dakbayan sa Sugbo alas 10 pasado ang takna sa niagi’ng gabii.
Si Senior Police Officer 2 Bryan Batiquin niila sa nadakpan nga si Alrey Ylanan alyas Ondo, 24-anyos, taga Marina, Calero, lungsod sa Liloan.
Ang team nga gipangulohan nila ni Police Officer 2 Alin Lecciones ang nidakop sa akusado pinasikad sa warrant of arrest nga giluwatan ni Judge Soliver Peras sa Branch 10 sa Regional Trial Court sa dakbayan sa Sugbo.
Matud ni Batiquin nga dugay na nga nahitabo ang kaso sa dakbayan sa Sugbo ug nakadawat lang sila og kopya sa warrant of arrest. Temporaryo karong gitanggong sulod sa detention cell ang dinakpan apan gikatakda kini’ng ipresentar ngadto sa korte nga nagluwat sa warrant of arrest. (BANAT NEWS)