CEBU, Philippines - Gihimo una karong usa lang ka bahin sa dalan sa Panganiban ang paagian sa mga sakyanan nunot sa pagsugod na sa pagtukod sa Cebu City Medical Center diha sa maong dapit.
Ang Cebu City Traffic Management (CITOM) operations chief nga si Jonathan Tumulak miingon nga dili una makalahos sa Citi Link ang mga PUJ nga gikan sa dakbayan sa Naga, Carcar ug Minglanilla.
Kutob na lang sila sa eskina V. Rama ug moliko sa Tres de Abril sa may Miller Hospital ug motuyok balik pagawas sa N. Bacalso Avenue.
Samtang ang mga PUJ nga gikan sa dakbayan sa Sugbo nga paingon sa N. Bacalso moagi sa dalan Sanciangko dakbayan sa Sugbo.
Ang mga V-Hires gikan sa N. Bacalso adto molusot sa P. Sanchez lahos sa V. Aranas, lusot sa T. Abella balik sa direksyon sa Tres de Abril paingon sa terminal sa Taboan. (BANAT NEWS)