CEBU, Philippines – Dili makabuot ang mga opisyal sa barangay Lorega-San Miguel, dakbayan sa Sugbo sa pagbalhin sa mga residente sa Doña Pepang Cemetery.
Matud ni Division for the Welfare of the Urban Poor chief, Atty. Collin Rosell, nga dili na kinahanglan og resolusyon sa barangay ang pagpabalhin sa mga residente tungod kay ubos kini sa Socialized Housing Program sa kagamhanan.
Adunay duha ka existing nga Socialized Housing Site ang barangay Lorega diin ibutang ang mga biktima sa sunog ug karon ang mga residente sa Doña Pepang.
Ang Lorega mao’y napili sa siyudad nga kabalhinan sa mga residente tungod kay duol ra.
Nipasalig si Rosell nga ang tanan pamilya nga nagpuyo sa Doña Pepang makaangkon og balay.
Apan kinahanglang nga ipaubos pa sa screening aron masuta kung qualified ba sila.
Hatagan usab ang matag pamilya og mga housing materials ug plete sa pagbalhin. – /GMR) (BANAT NEWS)