CEBU, Philippines – Giaprubahan sa committee on Public Health and Social Welfare sa Hunta Probinsyal ang rekomendasyon sa usa ka ordinansa sa lungsod sa Argao nga pag- regulate sa pagpanigarilyo diha sa maong lungsod.
"The Smoking Regulation Ordinance of Argao is enacted for the purpose of safeguarding public health, instituting a balanced policy whereby the use of tobacco products shall be regulated in order to promote the right to health of the people," sumala pa sa rekomendasyon sa komitiba.
Ang komitiba misuporta sa baruganan sa Argao nga nagtinguhang proteksyonan ang mga dili hinigarilyo diha sa mga pangpublikong mga dapit sa lungsod nga sagad dunay daghang magpataka lang og pabulhot sa ilang aso.
Ang konseho sa Argao mipasar sa Smoking Regulation Ordinance nga hugot nga mopatuman sa Tobacco Regulations Act (RA 9211). Dugang sa ordinansa ang pag-regulate sa pagpamaligya niini. (Gikan sa The Freeman/EIM)