CEBU, Philippines - Dose ka mga piniriso sa Cebu City Jail ang nagpositibo sa sakit nga Human immunodeficiency virus infection ug acquired immune deficiency syndrome (HIV/AIDS) Mao kini ang gibutyag ni Bise Mayor Edgardo Labella, pangulo sa Police Coordinating and Advisory Council (PCAC) base sa report nga gitugyan kaniya ni Cebu City Jail Warden Johnson Calub.
Apan sumala pa sa report ni Calub ngadto ni Labella, ang 12 ka mga piniriso positibo nang daan sa maong sakit una pa sila nasud sa prisohan niadtong tuig 2013.
Sukad sa pagsulod sa maong mga piniriso gi-monitor g’yud sila sa maong prisohan aron dili makapanakod sa uban.
Si Labella nagkanayon nga padayon ang paghatag og anti-retroviral drug sa maong mga piniriso. Sa pagkakaron adunay 2, 442 ka mga piniriso ang CCJ. Gikatahong tiggamitan kaniadto og mga injectable drugs ang mga priso ug gidudahang maoy hinungdan nga natakdan sa maong sakit sa wala pa sila masud sa prisohan. (BANAT NEWS)