CEBU, Philippines – Maayo’ng pagkatabas sa kilid sa nawong sa usa ka babaye human gitigbas sa kapuyo sa iya’ng igsuon sa sitio Nazareth, Buhisan, dakbayan sa Sugbo pasado alas 5 sa nakalabay nga hapon.
Ang biktima naila nga si Maricris Lapay, 25, dalaga, samtang ang suspek naila nga si Christian Montalbo, 23, pareho’ng nagpuyo sa maong lugar. Matud ni PO3 Lou Pagara sa homicide section sa Cebu City Police Office nga nasuko ang suspek kay wala hatagi og kuwarta sa biktima.
Samad tinigbasan sa nawong ug nagkadaiya’ng bahin sa lawas ang naangkon ni Lapay nga dali nga gidala sa Vicente Sotto Memorial Medical Center samtang dali sab nga nisibat ang suspek. – /GMR) (BANAT NEWS)