CEBU, Philippines – Kapin sa 100 ka iro ang niapil sa Dog Walk sa dakbayan sa Toledo nunot sa kasaulugan sa Anti-Rabies Prevention Month.
Ang kalihukan gipasiugdahan sa City Veterinary Office.
Ang mga iro nga may lain-laing liwat gisuotan og mga mabulukon nga mga senina.
Matud ni Dr.Nelce Garton, City Veterinarian, nga nanghatag usab sila og mga vitamins, purga, libre nga konsultasyon ug pagbakuna og anti-rabies alang sa mga binuhi’ng iro.
Nipahimangno si Garton nga angayang pabakunahan gyud ang mga binuhi nga iro aron mahatagan og anti rabies ilabi na sa panahon sa ting-init.
Dugang ni Garton nga mas maayo sab nga panggaon ang mga binuhi nga iro ug dili pasagdan.
Gipasalig sa opisyal nga adunay igo’ng suplay sa bakuna alang sa anti-rabies ug uban pa’ng serbisyo ang Toledo City Veterinary Office. – /GMR) (BANAT NEWS)