CEBU, Philippines – Usa ka 21-anyos nga lalaki ang gipusil-patay didto sa Barangay Poblacion dakbayan sa Lapu-Lapu sa alas 8:20 sa miaging Sabado sa gabii.
Matud ni Police Officer 2 Marven Naraum sa Lapu-Lapu City Police Office- Homicide Section ang biktima mao si Joseph Estores, residente sa Sitio Langob sa nahisgutang barangay kinsa nakaangkon og samad pinusilan sa iyahang tiyan ug namatay diha-diha. Sumala pa nga gikan pa nagtan-aw og duwa nga basketball ang biktima sulod sa auditorium sa dihang kalit mitunga ang wala mailhing tawo ug gipusil ang biktima sa makadaghang higayon.Dali usab nga nakaikyas ang mamumuno.
Nakuha sa kapolisan sa crime scene ang usa ka kabhang sa bala gikan sa kalibre .45.
Migawas ‘sab sa imbestigasyon nga ang biktima adunay criminal record diha sa Theft and Robbery Section kaniadto ug mao kini ang gisubay karon sa mga imbestigador. – /EIM) (BANAT NEWS)