CEBU, Philippines – Duha ka mga estudyanteng Papuans ang nanghagis sa usa ka convenience store sa N. Bacalso Ave., Brgy. Sambag 1, Cebu City.
Naila ang mga langyaw nga sila si Maki Moses, 21, kasamtangan nga nagpuyo sa USP Dormitory, Lahug Cebu ug si John Steven, 19, nagpuyo sa Alicia Town, Banilad, Cebu City.
Usa ka Hermis Tomulto Awayan nga trabahante sa Seven Eleven convenience store sa maong dapit ang nanawag sa kapolisan ug nangayo og tabang bahin sa mga langyaw nga nanghagis tungod sa kahubog.
Matud pa nga human nangahubog ang mga langyaw kalit silang nanghagis ug gipamuak ang mga botilya ug gipatiran ang mga lingkuranan.
Ang duha gipaubos sa liquor test ug nasuta nga parehong mga hubog, ang duha gikostudiya na sa kapolisan alang sa pagpasaka og kaso. – /EIM) (BANAT NEWS)