CEBU, Philippines – Napalgang patay ug naligo sa iyang kaugalingong dugo ang usa ka lalaki human kini gipusil sa wala mailhing tawo sa Barangay Dob-dob, Badian kagahapon sa kaadlawon.
Ang lalaki naila nga si David Malabago Elegino Jr., 27, residente sa Brgy. Poblacion, Badian.
Base sa imbestigasyon nga gipahigayon sa Badian Police Station ang biktima adunay samad pinusilan sa agtang nga maoy nakaingon sa iyang hinanaling kamatayon.
Nakuha sa crime scene ang usa ka empty shell sa .9mm pistol, usa ka kalo nga dunay dugo, wallet ug flashlight. Matud pa nga dunay residente nga nakadungog og duha ka sagunson nga buto sa pusil mga alas 3:30 sa kaadlawon, apan wala makakita sa mamumuno.
Sa pagkakaron, padayon pa ang imbestigasyon sa kapolisan aron sa pagsikop ug pag-ila sa mamumuno. – /EIM) (BANAT NEWS)