CEBU, Philippines – Nagpakitabang sa Talamban Police Station ang usa ka Hapon nga gikawat ang iyang mga mahalon nga gamit sulod sa iya’ng balay sa Highway 77, Talamban, dakbayan sa Sugbo. Nadiskubrehan sa biktima nga si Anna Takeuchi, 27, dalaga, ang insidente sa nakalabay nga kaadlawon.
Nagkatag na ang mga personal nga gamit sa langyaw ug nawala na ang mga mahalon niini nga gamit sama sa Laptop nga P20,000; hair dryer nga P1, 400; hair iron nga P1, 400; voice recorder nga P3, 700; duha ka electronic dictionary nga P20,000; Apple iPad classic nga P12,000, iPhone 4s nga P10,000 ug uban pa nga mokabat sa P121, 500 ang tanan.
Sa pagsubay sa kapolisan nasayran nga gigamitan og kutsilyo sa kawatan ang pag-abli sa pultahan hinungdan nga nakasulod sa lawak sa langyaw. – /GMR) (BANAT NEWS)