CEBU, Philippines – Nagpakitabang ang usa ka Korean sa Theft and Robbery Section sa Cebu City Police Office human gilungkab ang iyang panimalay sa Doña Rita Village, Banilad, dakbayan sa Sugbo niadto’ng nakalabay nga gabii. Ang biktima giila nga si Heedong Kim, 43-anyos. Sa imbestigasyon sa kapolisan nasayran nga niagi ang kawatan sa bintana human gitangtang ang jalousie blades. Nakuha sa kawatan ang P80,000; 20 ka lipstick ug usa ka MAC foundation.
Duda ang kapolisan nga posible’ng gitayming lang sa kawatan nga wala’y tawo ang balay aron molampus sa pagpangawat. – /GMR) (BANAT NEWS)