CEBU, Philippines - Gigapos sulod sa iya’ng panimalay ang usa ka 83-anyos nga tiguwang kinsa napalgan alas 7 sa buntag kagahapon.
Ang biktima naila nga Luis Veloso, minyo ug taga Camella, Lawaan 1, dakbayan sa Talisay.
Ang suspek nailhan nga si Vincent Canamo, 42-anyos, minyo nga molupyo sa maong lugar.
Matud sa hepe sa kapolisan sa dakbayan sa Talisay, Police Superintendent Carmelo Dayon, nga pagpanulis ang motibo sa suspek kinsa kusgano’ng nihimakak.
Ang suspek gipasakaan na og kaso’ng robbery with frustrated homicide samtang ang biktima nalandig sa tambalanan.