^

Banat Balita

Blocktimer gikiha ni Teddy O.

Flor Z. Perolina - Banat

CEBU, Philippines – Usa ka radio blocktimer ang gipasakaan og kasong libelo ni Board Member Thadeo Ouano gumikan sa mga pagpangatake niini ngadto kaniya sa iyang programa sa sibyaanang DYKC.

Si Edward Ligas gikiha ni Ouano gumikan sa matud pa pagpangatake niini ngadto kaniya sa iyang programa nga “Radyo Ronda” niadtong Enero 13  sa gabii ning tuiga. Ang kasong libel ang napasaka na kagahapon sa hapon sa piskalya pinaagi sa abogado ni Ouano nga si Atty. Vicente Fernandez. Si Ouano sa iyang affidavit nagkanayon nga niadtong Disyembre 2014, giduol siya ni Ligas ug gihangyo nga maoy mo-sponsor sa iyang programa. Matud pa ni Ouano, wala niya kini balibari apan wala usab siya mosanong niini hangtud nga nakalimtan niya kini. Nasayran nalang niya gikan sa iyang mga kahigalaan ug paryente nga gi-atake na siya ug ang iyang anak nga Konsehal Emmarie “Lolypop” Ouano-Dizon sa iyang programa.

Si Ouano miingon nga dili niya mapalabay ang komentaryo ni Ligas niadtong Enero 13 ning tuiga gumikan kay naapektahan na iyang pamilya sa dihang mihisgot kini og mga dautang atake batok kaniya ug sa asawa sa iyang anak nga si Cheryl Ouano. Ang nahisgutang komentaryo gipamatud-an sa affidavit  sa duha ka mga testigos ni Ouano nga sila siJocelyn Sadili   ug Yolanda Ytang nga taga Casuntingan, Mandaue City. Si Ouano nagkanayon nga bisan way apelyedo sa nahisgutang mga komentaryo,  tataw kaayo nga siya maoy gipasabot  niini tungod kay naila siya sa kadaghanan nga si “Teddy” ug naminyo siya ngadto ni “Linda” ug iyang anak si Alfie nga asawa ni Cheryl Ouano.  Dugang pa niini nga ang mga komentaryo ni Ligas tumong gayud sa pagguba sa iyang reputasyon ug nangintriga sa iyang pamilya.

Samtang sa habig ni Ligas siya nagkanayon nga way pulos ang maong kaso nga gipasaka ni Ouano batok kaniya kay wala kini malisya kay wa man siya nag-ingon nga dunay sekswal nga relasyon sila si Ouano ug si Cheryl. Gihimakak usab ni Ligas ang pangangkon ni Ouano n nagkita sila niadtong Disyembre tungod kay kataposan silang nagkita niini niadto pang 2010 atol sa barangay elections.

“That’s a blatant lie because  the last time I saw him was during the barangay elections in 2010 yet, mas dako na hinuon og chance nga ma-dismiss ang kaso  kay namakak siya, kay wa g’yud ko’y record nga mag-solicit ko para sa akong radio program,” panapos ni Ligas. – /EIM) (BANAT NEWS)

BOARD MEMBER THADEO OUANO

CHERYL OUANO

DISYEMBRE

IYANG

OUANO

SI OUANO

SIYA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with