CEBU, Philippines – Patay na nga nakita sa 10-anyos nga anak ang iyang amahan human naghikog sa punoan sa lagnob sa Barangay Punay, lungsod sa Aloguinsan sa nakalabay nga adlaw.
Ang naghikog patay naila nga si Arcadio Larino, 51.
Matud ni PO1 Bueno Nengasca nga gumikan sa pagpangluod ug problema sa panglawas ang hinungdan sa pagpakamatay ni Larino.
Una nga nihangyo sa iyang asawa nga si Josephine nga moundang sa trabaho isip katabang sa dakbayan sa Talisay ug nibahad nga maghikog kung dili mosugot.
Si Larino naghambin usab og sakit sa baga. – /GMR) (BANAT NEWS)