CEBU, Philippines - Uyon si Gob. Hilario Davide III nga ipadayun ang peace talks tali sa gobiyerno ug sa Moro Islamic Liberation Front (MILF) ug Bangsamoro Islamic Freedom Fighters (BIFF).
Kini bisan sa nahitabo sa 40 ka sakop sa Special Action Force (SAF) sa Mamasapano, Maguindanao.
Si Davide nanghinaut nga wala na’y sama nga insidente nga mahitabo pa.
Matud ni Davide nga bisan pa sa nahitabo angayang ipadayun ang peace process tali sa mga rebelde’ng Muslim ug supak siya sa all out war.
Gipasabot ni Davide nga dunay mga Kristiyanos sa Mindanao ug dunay daghan nga wala’y labot ang maapektohan kung ipatuman ang all out war batok sa mga rebelde’ng Muslim.
“It should pursue the peace process, it should be, we should not give up….hope nga makab-ot nato ang kalinaw diha sa Mindanao,” matud ni Davide.
Kagahapon si Davide nimando sa Provincial General Services Office (PGSO) sa pag-half mast sa bandera sa Kapitolyo sa pagduyog sa kasub-anan sa nasud sa nahitabo sa mga sakop sa SAF. (BANAT NEWS)