^

Mga patay’ng lawas sa pasahero sa AirAsia flight nanglutaw na sa dagat

(Banat) - December 31, 2014 - 12:00am

CEBU, Philippines – Kuwarenta ka mga patay’ng lawas ang nasigpatan ug ang uban nakuha na sa Indonesian Navy sa Java Sea, napulo ka kilometros gikan sa dapit diin kataposang na-detect sa radar ang na-missing nga AirAsia  flight QZ8501 duha ka adlaw na ang nakalabay. Niburot na ang tulo ka mga lawas ug walay suot nga life jackets dihang nakuha sa Indonesian navy sumala pa sa National Search and Rescue Director SB Supriyadi.

Ang pagkakaplag sa mga lawas nahitabo pipila ka oras human nasigpatan ang gidudahang mga debris sa maong abyon nga naglutaw-lutaw sa Java Sea duol sa Borneo island.

Matud pa nga nakit-an sa search and rescue personnel ang daghang mga butang nga nanglutaw sa kadagatan nga naglakip sa pultahan sa agianan sa mga pasahero ug cargo, gibanabanang 100 milya (160 kilometros) sa habagatang-kasadpan sa Pangkalan Bun sa isla sa Borneo. Lakip sa nakit-an sa aerial search ang usa ka gituohang emergency slide gawas sa pultahan sa maong abyon. Ang maong abyon adunay pasahero nga 162 ka tawo padung sa Singapore. Ang maong mga debris mao palang ang gikonsiderar nga lig-ong ebidensya o timailhan nga nahagsa g’yud ang maong abyon Airbus A320-200.

Ang mga kabanay sa mga pasahero desperadong makakuha og impormasyon kabahain sa gidangatan sa ilang mga kabanay ug padayong nagpunsisok diha sa buhatan sa civil aviation sa Indonesia. Usa ka AFP photographer nga luwan sa usa sa mga search plane mibutyag nga duna silay nakit-ang  mga butang nga nanglutaw sa dagat nga sama sa sa life raft, life jackets ug usa ka taas nga orange tubes samtang naglupad sila 500 ka tiil ibabaw sa dagat.

Ang search parties padayong naglibotlibot sa  mga isla sa Bangka ug Belitung sa Java Sea tabok sa Kalimantan. Ang AirAsia group CEO nga si Tony Fernandes mi-tweet, "My heart is filled with sadness for all the families involved in QZ 8501. On behalf of AirAsia my condolences to all. Words cannot express how sorry I am." (AFP/EIM) (BANAT NEWS)

BANGKA BELITUNG INDONESIAN NAVY JAVA SEA KALIMANTAN NATIONAL SEARCH AND RESCUE DIRECTOR PANGKALAN BUN TONY FERNANDES
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with