CEBU, Philippines - Gikatakdang mopalit og kinse ka mga motorsiklo nga ipanghatag sa pili mga traffic enforcer sa City Traffic Operation Management (CITOM) sunod tuig human giaprubahan sa konseho sa dakbayan sa Sugbo ang P1.5 milyones nga budget para pagpalit niini.
Si CITOM Operations Officer Joy Tumulak nagkanayon nga ang P15 milyones nga budget kuhaon gikan sa pundo sa CITOM. Sunod tuig pa ipahigayon ang bidding sa mga motor kung asa kini paliton.
Adunay 23 ka mga motorsiklo ang CITOM nga gigamit aron pag-roving sa kadalanan sa dakbayan sa Sugbo.
Si Mayor Michael Rama nagkanayon nga kung ang 4-wheels nga sakyanan ang gamiton sa mga enforcer adunay posibilidad nga matanggong sa traffic apan kun ang motorsiklo ang gamiton dali-dali kini nga makaresponde sa problema sa kadalanan. (Sheriza Mae Uy/EIM)(BANAT NEWS)