Karsada sa San Fernando sementohon
CEBU, Philippines – Sugdan na ang pagsemento sa 2.8 kilometros nga karsada sa Magsiko-Bugho sa lungsod sa San Fernando.
Si Gob. Hilario Davide III kinsa nangulo sa groundbreaking kagahapon sa buntag nagkanayun nga mokabat sa P19.8 milyones ang budget sa maong proyekto wala’y labot sa mga sinakong semento nga hinatag sa Taiheiyo bali og 42,500 ka sako.
Ang Tuanzon Construction ang nakadaug sa bidding sa proyekto nga gikatakdang mahuman sulod sa 140 ka adlaw.
Gawas sa maong karsada, may lain pa’ng unom ka kilometros nga karsada nga gubaon sa San Fernando ang gikatakdang ayuhon sunod tuig.
Sila si Bise Mayor Miko Canoy ug Barangay Kapitan Jonny Aresgado mapasalamaton sa proyekto nga dugay na nilang gipangandoy kaniadto apan wala natagad. – /GMR) (BANAT NEWS)
- Latest
