CEBU, Philippines - Daghang mga rason nganong kinahanglang duawon sa Santo Papa ang Cebu City sumala pa ni Mayor Michael Rama.
Si Rama nipadala og suwat ngadto sa Vatican ug sa Malacañang nga naghangyo nga apilon sa itinerary ni Pope Francis ang Cebu sa pagduaw niini sa Pilipinas karong Enero 15 hangtud 19. Si Pope Francis mobisita sa Malacañang ug mopahigayon og Santos nga Misa sa Manila, iyaha usab duawon ang mga survivors sa Tacloban City.
Sumala pa sa mayor, angay usab unta nga giapil sa planong adtuon sa Santo Papa ang Cebu tungod kay dinhi unang nakaabot ang Kristiyanismo sa tibuok Asya.
Nianang mga adlawa usab saulogon sa Sugbo ang ika - 415 ka tuig sa pag-abot sa kampanaryo sa Basilica Minore del Sto. Niño; saulogon usab ang ika- 450 ka tuig nga presensiya sa Augustinian Recollects sa Sugbo ug ang ika-35 usab nga kasumaran sa Sinulog.
Gawas pa niana, si Rama miingon nga hasta ang Cebu naigo usab sa kalamidad. (Sheilame Medil, USJ-R Intern/EIM)(BANAT NEWS)