Listahan sa establisamentong way security measures subayon
Brenda Batuto (Banat) - October 12, 2014 - 12:00am

CEBU, Philippines – Human sa insidente sa tulis sa usa ka branch sa Western Union diha sa Barangay Guadalupe, dakbayan sa Sugbo niadtong Huwebes gipasusi sa siyudad kung ang maong establisamento lakip ba sa napadalhan og suwat kabahin sa security measure.

Ang nahisgutang branch sa remittance center walay guwardiya apan aduna kini Close Circuit Television (CCTV) cam. Ang kagamhanan sa siyudad mihulga  nga pasiradohan ang establisamento kung dili sila motuman sa security measure.

Dunay 79 ka establisamento sa siyudad ang gipadalhan og suwat aron tarungon ilang seguridad.

Si Cebu City Legal Officer, Jerone Castillo miingon nga wala malakip ang Western Union sa gipadalhan nila og suwat apan iyaha una kini beripikahon sa City Treasurer’s Office.

Gibutyag ni Castillo nga ang gipadalhan og suwat mga establisamento nga naglambigit sa remittance center, money changer ug mga pawnshops.

Subay niini, si Mayor Michael Rama nagkanayon nga ang maong hitabo usa ka dakong hagit sa kapolisan.

Si Rama nagkanayon nga mimando na siya sa hepe sa kapolisan sa siyudad nga si Senior Superintendent Noli Romana sa paggukod sa mga tulisan. – /EIM) (BANAT NEWS)

BARANGAY GUADALUPE CITY TREASURER CLOSE CIRCUIT TELEVISION JERONE CASTILLO MAYOR MICHAEL RAMA SENIOR SUPERINTENDENT NOLI ROMANA SI CEBU CITY LEGAL OFFICER SI RAMA WESTERN UNION
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with