CEBU, Philippines - Mipasangil ang usa ka inahan nga wala siya atimana samtang nanganak sa usa ka tambalanan sa dakbayan sa Sugbo hinungdan nga natagak ang bata sa salog niadtong Huwebes.
Sa balita sa 24 Oras sa GMA kagabii, ang amahan sa bata miingon nga magpa-check-up lang unta sila.
Ang inahan miingon nga dihang gigawas na sa labor room ang bata padulong sa ward, giingnan na lang siya nga natagak ang iyang anak.
Gihimakak hinuon sa maong tambalanan ug matud pa nga ang nurse supervisor ang nag-asikaso sa magtiayon ug maayo ang pagpanganak niini.
Magpahigayon gihapon og imbestigasyon sa attending doctor ug nurse sa tambalanan kon tinuod ba ang maong pamasangil. (Bryner L. Diaz/GMR)(BANAT NEWS)