CEBU, Philippines - Nangangkon ang Provincial Disaster Risk Reduction Management Council ug Cebu City Risk Reduction Management Council nga malampuson ang ilang mga programa pagpangandam ug rehabilitasyon sa mga naapektahan sa katalagman inabagan sa Office of the Civil Defense 7.
Usa niini ang maayo karong komunikasyon sa mga stakeholders nga naglakip ngadto sa probinsya sa Negros, Siquijor, Danao ug uban pa. Nagpasalamat usab sila sa mga dagkong kompanya nga miabag sa dinaliang kasulbaran sa mga problemang gibilin sa katalagman sama sa pagkaputol sa mga linya sa kuryente ug uban pa.
Si Baltazar Tribunalo Jr. Chief sa Provincial Disaster Risk Reduction Management Council miawhag sa mga negosyante nga palig-unon ang ilang mga edipisyo nga makasugakod sa mga linog.
Samtang si Simeon Romarate sa City Risk Reduction Management Council miingon nga dako gyud ang paglambo sa siyudad sa kapabilidad niini pagresponde sa mga katalagman sa dakbayan ingon man ang mga programa sa siyudad alang sa rehabilitasyon. (BANAT NEWS)