_banat
^

Banat Balita

Davide miawhag sa mga Sugboanon nga tabangan ang Sugbo pagpalambo

Jesa R. Ebina - Banat

CEBU, Philippines - Nangangkon si Gobernador Hilario Davide III nga malampuson ang una’ng tuig sa iyang pagdumala sa probinsya apan miawhag gihapon sa suporta sa katawhan aron palamboon pa ang panerbisyo ngadto sa katawhan

Atol sa State of the Provincial Address (SOPA) kagahapon, ang gobernador miingon nga dili sayon ang pagtukod sa usa ka balay sanglit bisa’g unsa pa kalig’on ang haligi niini dali gihapon kining matumpag kun huyang ang pundasyon niini.

“Dili ‘ta makatukod og balay ibabaw sa lapok. Bisa’g unsa kalig-on ang haligi, ug dili maayong pagkahanig ang foundation, dali ra kining matumpag,”

Pipila sa gipasigarbo sa gobernador mao ang padayong pagbarog sa Sugbo gikan sa mga kalamidad.

Una niini mao ang panagbangga sa duha ka barko sa miaging buwan sa Agosto tuig 2013. Gisundan pa kini sa kusog nga linog pagka Oktubre 18, 2013 ug ang super typhoon Yolanda nga misilhig sa amihanang bahin sa probinsya sa Nobiyembre 8, 2013.

Apan bisan pa man sa kadaghan sa kalamidad mibarog ang probinsya sa Sugbo ug gani atol sa 6th Asian Ministerial Conference on Disaster Risk Reduction sa Thailand gidayeg didto ang pagbarog sa Pilipinas ilabi na ang local nga gobiyerno sa dakbayan sa Albay ug Sugbo.

Laing gipasigarbo ni Davide mao ang pag instalar og mga barangay halls, barangay health centers, day care centers,  patubig ug pagkongkreto sa mga kadalanan.

Mahitungod sa suporta sa Provincial Board ug tabang sa Provincial Health Office, Department of Health nahimo nang Level One ang napulo sa 16 ka public hospitals niini.

Kini nahimutang sa Bogo, Danao, Carcar, Bantayan, Tuburan, San Francisco, Argao, Barili, Badian, ug Sogod.

Sa natad sa edukasyon migahin ang probinsya og P149 milyones alang sa edukasyon karong tuiga. Kini gamiton alang sa scholarship programs, school buildings, libro, ug uban pang materyales alang sa edukasyon.

Mibutang ‘sab og P7 milyones ang probinsya alang sa 31 ka pampublikong tunghaan nga nagusbat sa miigo sa probinsya nga super typhoon Yolanda.

Maayo usab ang resulta sa pakig-alayon sa lalawigan sa Technical Education and Skills Development Authority ug Department of Labor and Employment.

Dugang pa niini ang skills training program sa Bluewater Academy alang sa gustong motrabaho sa sektor sa turismo ug uban pa. (BANAT NEWS)

ASIAN MINISTERIAL CONFERENCE BLUEWATER ACADEMY DEPARTMENT OF HEALTH DEPARTMENT OF LABOR AND EMPLOYMENT DISASTER RISK REDUCTION GOBERNADOR HILARIO DAVIDE KINI LEVEL ONE SUGBO
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with