CEBU, Philippines - Gisugat og rally ang pagsaulog sa Independence Day sa dakbayan sa Sugbo kagahapong adlawa.
Kapin usa ka gatos ka tawo ang mikuyog sa maong rally nga gipangulohan sa Cebu Coalition Against the Pork Barrel System.
Lakip sa mga mitambong sa maong rally ang mga progresibo ug mga relihiyosong pundok lakip na ‘sab sa mga estudyante sa nagkalain-laing mga eskuylahan. Ang singer nga si “Budoy†didto ‘sab sa maong rally ug mipalanog sa iyang pagkadismaya ug mihangyo sa gobiyerno nga pasakaan og kaso ang mga tawo nga nalambigit sa pork barrel scam ug dili lang ang kontra sa administrasyong Aquino.
Si Msgr. Romel Kintanar sa Artsidiyosisis sa Sugbo miingon sa iyang speech nga angay nang mahunong ang pork barrel system tungod kay nakasamot kini sa pagkauyamot sa nasud.
Malinawon hinuon natapos ang programa sa maong kalihokan. (BANAT NEWS)