CEBU, Philippines - Ang pangulo sa Task Force Land for the Landless sa siyudad sa Sugbo, Bise Mayor Edgardo Labella mibutyag nga dunay 51 ka-kaso na usab sa demolisyon ang nag ung-ong sa korte.
Matud ni Labella nga ang 51 ka mga kaso gipasaka sa mga tag-iya sa pribadong luna. Apan wa pa kini panganli sa bise mayor gumikan kay padayon pa gihapon ang ilang pagtuon sa maong mga kaso. Bisan pa man pribado kini, sumala ni Labella nga dunay katungod ang siyudad nga manginlabot kay labing maapektuhan niini ang ilang mga konstituente sa syudad sa Sugbo.
Ang Republic Act 7279 (the Urban Development Housing Act-UDHA of 1992) nagmando sa tanang Local Government Units nga “mo-intervene†bisan gipanag-iya kini sa pribadong indibidwal o sektor.
“The city has to intervene. Even we like it or not, even if the city is not a nominal party but there is a provision under the law (RA 7279) that mandates the LGU to participate and get involve,†matud ni Labella. Kahinumduman nga upat ka barangay sama sa Apas, Carreta, Tejero ug sitio Warwick Barracks sa Barangay Ermita gi-demolished sud lang sa usa ka semana.
Padayon karon ang task force sa pag-ila sa tanang yuta nga gipanag-iya sa siyudad, sa probinsya ug ingon man sa kaulohan.
Matud ni Labella mohangyo sila ngadto ni Cebu City Mayor Michael Rama nga makigpulong sa Executive Judge sa Municipal Trial Court in Cities aron ma-reconcile na ang maong mga kaso.
Apan giklaro ni Labella nga kini dili pagtamay sa desisyon sa korte kun di igo lamang sila mosuta “..how we could apply the provision which is a substantive law on the matter of demolition even on private lotsâ€. (BANAT NEWS)