^

Banat Balita

NHA mipagawas na og kuwarta alang sa taga Bohol

Liezl Mabini Frasno/WC - Banat

CEBU, Philippines - Ang National Housing Authority (NHA) nipagawas na og P388 milyones nga pundo alang  sa mga local government units (LGUs) aron  ayuhon  ang  nangagusbat  nga  kabalayan  sa lalawigan   sa Bohol.

Si Bise Presidente Jejomar C. Binay mipasabot nga ubos sa Housing Materials Assistance (HOMA), ang NHA mohatag og P10,000 sa matag pamilyang nagub-an og  balay tungod sa 7.2 magnitude nga linog nga nitay-og sa Bohol niadtong Oktubre 15.

“The government remains committed in helping the earthquake victims rebuild their lives. This is only the start,” matud pa ni Binay.

Gibutyag ni Binay nga ang mga lungsod sa Maribojoc ug Antequera nakadawat na og tseke nga nagkantidad og P33,470,000 ug P31,780,000.

Giingong personal kining gitunol sa bise presidente ngadto kang Mayor Leoncio Evasco ug Mayor Jose Mario Pahang sa maong  mga  lungsod  sa iyang pagbisita sa Bohol niadtong Nobiyembre.

Mahimo  usab nga makuha ang mga tseke alang sa mga lungsod sa Tubigon, San Isidro, Catigbian, Sagbayan, ug Loon.

Gibutyag sa National Disaster Risk Reduction and Management Council (NDRRMC) nga ang maong linog nakaguba sa 73,002 ka mga balay (14,512 totally damaged ug 58,490 partially damaged) sa Bohol, Cebu, Negros Occidental, Negros Oriental, Iloilo, Siquijor ug Guimaras.

Sa sayo pa si Binay mitukod og multi-agency task force nga maoy mitino sa mga panginahanglan sa balay sa mga molupyo sa Central Visayas kansang mga panimalay nangaguba gumikan  sa linog niadtong Oktubre.

Gawas sa shelter agencies ubos sa Housing and Urban Development Coordinating Council (HUDCC), ang Bohol-Cebu housing rehabilitation task force maglakip usab sa  Department of Environment and Natural Resources (DENR), Department of Public Works and Highways (DPWH), Department of Social Welfare and Development (DSWD) ug sa  Department of Interior and Local Government (DILG).

Ang HUDCC gilangkoban sa NHA, Home Development Mutual (Pag-Ibig) Fund, Home Guaranty Corporation, Housing and Land Use Regulatory Board, National Home Mortgage Finance Corporation, ug sa Social Housing Finance Corporation.  (BANAT NEWS)

 

ANG NATIONAL HOUSING AUTHORITY

BINAY

BOHOL

CENTRAL VISAYAS

DEPARTMENT OF ENVIRONMENT AND NATURAL RESOURCES

DEPARTMENT OF PUBLIC WORKS AND HIGHWAYS

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user