^

Banat Balita

DSWS wa nay pundo alang sa masunogan

Chester Abadilla/WC - Banat

CEBU, Philippines - Nabalaka   ang labawng  opisyal sa Department of Social Welfare and Services (DSWS) sa city hall sa syudad sa Sugbo  kay wala nay pundo sa calamity fund sa syudad  kun  may motumaw pang sunog dinhi sa dakbayan.

Kini tungod  kay  nahurot  na  ang  maong  pundo  sa gipanghatag  nga hinabang  sa pagkaon, financial assistance ug housing materials  sa mga nabiktima sa sunog sa barangay Carreta, Tejero, Quiot, Kinasang-an ug barangay Parian   sa miaging mga  semana.

Sayo  niini  gitumbok ni  DSWS chief Dr. Ester Concha  nga nabalaka   siya sa  higayon  nga  may  lain  pang  sunog  nga  mahitabo dinhi  sa siyudad,kay wala  na  sila’y  ikahatag nga  ayuda bisan  sa pagkaon  nalang  sa  mga mabiktima.

Ang DSWS  may tahas  sa pagpakaon  sulod  sa tulo  ka adlaw  sa  mga  mabiktima  sa katalagman  sama  sa sunog  ug  sa samang  higayon  cash assistance  sa masunogan.

Miingon  si  Concha  nga  ang  iyang buhatan  may  pundo  mang  nahibilin  apan  gamay  nalang  kaayo ug posibling dili na  kaigo kun  may  lain  pang  sunog  nga  moigo  sa  siyudad.

Si  Concha  nanghinaot  nga unta  wala nay mahitabong kalamidad sama sa sunog dinhi sa Sugbo niining nahibiling mga adlaw sa bulan sa Disyembre ning tuiga.

Hinuon  miingon si  Concha  nga may  umaabot  pa  nga  bag-ong  gahin  ang  iyang  buhatan  sa  sunod  tuig nga  maoy  iyang  gipangandoy  nga  ikatabang  sa  masunogan  unya  dinhi  sa dakbayan  sa Sugbo. (BANAT NEWS)

DEPARTMENT OF SOCIAL WELFARE AND SERVICES

DISYEMBRE

DR. ESTER CONCHA

HINUON

KINASANG

KINI

MIINGON

SUGBO

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with