CEBU, Philippines - Aprobado na sa Cebu City Council ang paggahin og P1.1 milyones alang sa pagpatukod og “Devotee City†kon dapit nga anha temporaryo nga makaestar ang mga taga lagyo’ng lugar nga moanhi sa Sugbo atul sa pangilin ni Santo Niño ug walay kapuy-an. Walay bisan usa sa mga konsehal nga misupak sa sugyot ni Konsehal Roberto “Bob†Cabarrubias nga maoy gitugyanan ni Mayor Michael Rama sa pagdumala sa pagmugna sa Devotee City.
Sulod sa taud-taud na nga panahon ang dakbayan sa Sugbo nagpasiugda niining Devotee City aron matigum ang mga dumoduong nga walay kaabtan ug dili makaabut pagbayad og lodging houses sa tumong nga dili sila anha lang manghigda sa aseras panahon sa gabii.
Sama sa naandan ang Devotee City anha gihapon ipahimutang kilid nga bahin sa karaang building sa Compania Maritima ug himoon kini pinaagi sa mga container vans nga ipahuwam sa mga shipping companies. (BANAT NEWS)