CEBU, Philippines - Gibutyag sa usa ka dakong opisyal sa kapulisan ang mitug-an nga walay igong kahimanan ug walay training ang mga police scout trainees nga miresponde sa katalagman didto sa Bayawan City, Negros Oriental.
Matud pa ni Sr. Supt. Edward Carranza, Regional Chief Directorial Staff of the PRO-7 nga ang 72 ka mga police scouts nga gipadala didto wala’y kahimanan aron sa pagtabang sa rescue operation.
Kini maoy hinungdan nga nakalas gyud ang kinabuhi ni PO1 Rodelin Gonzaga, 29, taga Iminaba, Bayawan City, nga ingong nakabuhi sa lifeline samtang nag-rescue sa mga na-trapped sa baha sa Barangay Villareal human miawas ang duha ka sapa nga mao ang Banga ug Pagatban.
“Police were not equipped with safety gears that could hold him in the lifeline kay og kamot ra sa kakusog sa tubig you cannot hold on any longer,†matud ni Carranza.
Ang kapolisan mipahigayon karon og imbestigasyon kun giunsa pagkahitabo ang maong aksidente aron masuta nila kung unsa gyu’y mga gikinahanglan sa kapolisan sa mga susamang alarma.
Matud ni Carranza nga pinaagi niini mahibaw-an nila kung unsay angayan nga paliton nga mga kahimanan nga gikinahanglan sa mga rescue operations.
Si Supt. Renato Dugan, Public Information Officer-Police Regional Office (PRO)-7, midugang nga ang Negros Oriental Police Station naglihok na karon alang sa benepisyo ni Gonzaga nga dili muminos sa P400,000.
Si Dugan midugang nga ang police scouts dili pa i-pull out sa lugar alang sa padayon nga operasyon.
“Normal na hinuon didto and subside na ang tubig ang uban nibalik na sa ilang mga balay,†matud niya. Miabot na sa napulo ka tawo ang nakalas sa maong pagbaha ug kapin sa 13 mil ka pamilya na ang gipabakwit. (BANAT NEWS)