CEBU, Philippines - Nagkauyon ang mga baruganan nila ni Mayor Michael Rama ug kanhi kongresista Tomas Osmeña nga wala mosupak nga pabiyaan sa militar ang Camp Lapulapu diha sa Barangay Apas nga maoy headquarters sa militar dinhi sa Kabisay-an. Si Konsehal Gerardo Carillo nga sakop sa CITOM Executive Committee maoy misugyot nga ibalhin sa laing lugar gawas sa dakbayan sa Sugbo ang Centcom.
Matud ni Rama nga pabor siya niini makasulbad kini sa grabe nga kahuot sa mga sakyanan nga moagi sa Governor Mariano Cuenco Avenue ang giila nga Ban-Tal Road.
Si Osmeña nagkanayon usab nga dili tukma nga lugar ang Balamban nga maoy gisugyot nga balhinan sa Centcom, matud niya mas maayo kung sa isla sa Guimaras kini ibalhin kay duol sa Iloilo.
Si Rama miingon nga magamit ang dapit kun molambo pa ang mga Business Process Outsourcing (BPO) sa maong dapit. Apan si Central Command Commander, Roy Deveraturda, mibutyag nga wala sila’y problema niini kung mahatag lang sa gobyerno ang usa ka functional replication sa samang buhatan.
“Massive movement is very difficult that we need the guidance from the higher headquarter but, why don’t we treat this as real security and defense asset because of rich history?†matud niya. (/EIM) (BANAT NEWS)