CEBU, Philippines - Duha ka mga lalaki nadakpan sa kapolisan human gipasanginlang nakuhaan og mga pinaketeng shabu atol sa saturation drive ug granada diha sa Sityo Taboc Poblacion siyudad sa Danao niadtong Huwebes sa alas 4:30 sa hapon. Ang mga nadakpan nga suspek mao sila si Maximillian Galo, 27, ug Edgar Escalante (dili ang tigbalita),37, nagpuyo sa Sityo San Antonio sa Looc, Danao City. Si Galo nakuhaan og duha ka pakete nga gituohang shabu sa iyang posisyon samtang si Escalante nakuhaan usab og duha ka pakete nga gituohang shabu ug usa ka eksplosibo. Matud pa nga naaktuhan ang duha nga mipalit og shabu sa usa ka gidudahang drug pusher nga daling nakaipsot pagkakita sa mga polis. (Darrel A. Carumba, Bong Soriano ug Romeo Limpangog/EIM) (BANAT NEWS)