CEBU, Philippines - Laing duha ka department heads sa Kapitolyo ang gihulipan sa katungdanan ni Gob. Hilario Davide III kagahapon.
Ang hepe sa Integrated Provincial Health Office (IPHO), Dr. Cristina Giango, gibalhin isip doktor sa Cebu Provincial Detention and Rehabilitation Center (CPDRC).
Matud pa ni Davide nga daghan siya nadawat nga negatibong estorya gikan sa IPHO bisan niadtong panahon pa sa kampanya.
“Ako mismo I have peace of mind, gusto ko nga mahapsay pud na ang IPHO,†sumala pa ni Davide.
Nihulip kang Giango mao si Dr. Cynthia Genesolango kinsa sumala pa ni Davide obserbahan pa ang lihok niini sa mosunod nga unom ka buwan.
Si Genesolango nipadayag nga andam niya buhaton ang mga kaakohan sa IPHO ug siya masaligon nga anaa ang suporta sa mga kawani ilabi na sa mga hepe sa nagkalainlaing district hospitals. Nagpaabot usab si Genesolango nga itugyan ni Giango ang mga importanteng butang sa buhatan lakip na ang mga nagpadayong programa sa panglawas.
Samtang laing gipahulipan ni Davide mao ang kasamtangang pangulo sa Provincial Planning and Development Office nga si Felixberta Gelicame ug ang nihulip mao si Melita Labarejos.
“Just for my peace of mind lang gyud as governor, I need to be also assured nga kining atong mga department heads really work for the greater interest sa atong mga kaigsoonan,†matud pang Davide.
Sa niaging adlaw, gihulipan usab ni Davide ang pangulo sa Provincial Social Welfare and Development Office nga si Marivic Garces kang Evelyn Senajon. Si Garces gibalhin sa Provincial Disaster Risk Reduction and Management Office (PDRRMO) nga gipangulohan ni Neil Sanchez.
Matud pa ni Sanchez nga iya himoong training officer si Garces ug maoy mangulo sa secretariat sa PDRRM Council. (Gregg M. Rubio/EIM) (BANAT NEWS)